Arhiva 2005

 

 

 

  Godišnja skupština 15.12.2005.g.

15.12.2005.leta Udruga Grobnički Dondolaši ima svoju godišnju skupštinu va Podrvnju  ( Klub mladih Babilon )  na 8 ur večer.Obavezno moraju doć si člani udruge da vidimo ča smo napravili ovo leto i ča nan je napravit va 2006 letu.Skupšina je javni skup tako da moru prisustvovat si ki bi to voleli.Novi člani ki bi teli postat Dondolaši moru se isto taj dan prijavit ako pročitaju  prvo toga   REGULE  i ako se slažu snjimi.
Dnevni red godišnje skupštine 05.12.2005.godine.  

 

 

 

 

  Grobnička skala 03.12.2005.g.

 

 

 

 

Dana 03.12.2005.godine s početkon na 20.30h va domu na Čavji održana je    8. po redu "Grobnička skala" ka se održava va sastavu manifestacije"Grobničke jeseni"a ku nam priređuje već trinajsti put"Katedra Čakavskog sabora Grobnišćine"Nastupilo je dvajset mladih pjevačih i pjevačic znašega kraja ki su se dali od sebe da zadovoje publiku i stručni žiri.

 

 

 

 

Na ovih slikah je Pjevač "Ivan Rubeša"
pjeva pjesmu "Celu noć bit će dan"
za ku je potpisal tekst i aranžman "Igor Lesica"
muziku "Alfred Šain"
pomogle su tancajuć "Matea Rubeša i Eni Šestan"
a dobila je drugo mesto publike 

Imamo samo par slik (pokvaril se`j  fotoaparat) ke morete pogjedat 

VRH

Napisal: A.Žeželić

 

 

 

  Sponzorsko pismo 27.10.2005.g.

Udruga Grobnički Dondolaši poslat će sin juden dobre voje jedno
pismo va kon išćemo sponzori i donatori, aš bez njih se niš ne more. Imamo veli plani za 2006 leto, a to se jako puno košta.
Ovin puten se zahvajujen sin dosadašnjin sponzoron i sin ki prepoznaju našu velu voju za očuvanjen ovoga naše "ČA". 
Ovdi morete pročitat celo pismo a po potrebi ga i sprintat
. . .Udruga Grobnički Dondolaši osnovana je 1999 godine u svrhu promocije običaja i kulture Grobnišćine i danas broji oko stotinjak aktivnih članova i kao takva je jedna od većih organizacija na Grobnišćini . . .

 

 

  Mesopusne zabave dom Čavja  13.10.2005.g.

Pozdravjan Vas z novun vijesti a to je da će Udruga Grobnički Dondolaši držat ovo leto tanci va domu na Čavji.
Organizirat ćemo tombulu i tanci osan subot i utorak za paljenje pusta. Počet ćemo subotu 07.01.2006.g. a završit utorak 28.02.2006.g.

Naš kompanjon va toj organizaciji je Konoba "KALESIN" ki će nan služit jist i pit, a sost i zabavit će nas "MARINERO BAND"

 

 

Zato vas pozivan već sad da se dobro parićate i rezervirate stoli na vrime.


Već se sigurno pitate kadi i kad nas morete videt, pa smo napravili privremeni kalendar ki će se sigurno još nadopunjavat, tako da znate na vrime kaj smo i ča delamo.
Pogjedajte kalendar  

 

 

  Grobnišćina  25.09.2005.g.

Ovako je zgjedala naša lipa Grobnišćina 25.09.2005.g. sptičje perspektive.

Pogjedajte slike

Pohum-Dražice-Grad Grobnik-Mavrinci 

 









 

 







 

 

 

 

  Proslava Luizijane 03.09.2005.g.

Dana 03.09.2005. na Čavji održala se je proslava godišnjice ceste Luizijana.
Ovih par slik more van dočarat kako je tekla proslava.

Više slik morete pogjedat 

  Klapa"Grobnik"Čavle     KUD" Zvir" Jelenje

 

 

 

 

 

  

 









 

 

  Grobničko poje                                                                    
Slikal:  A.Žeželić 
 

Dijelite sadržaj na;

O NAMA NA

 

Rojeni san Grobničan

I otac i mater tu su se rodili
i nono i nona su Grobničani bili
i si su puno lumpali i pili
i veliku su starost doživili

Rojeni san Dondolaš

I naši pranonići vavik su zvonili
i otac i nono su Dondolaši bili
i si su puno lomili i pili
za maškarami sakud su hodili

Kad zazvone Dondolaši
se se trese se se praši
si kantaju si tancaju
zvonci jako dondolaju

Kuda projdu Dondolaši
se se lomi se se praši
teški zvonci kreče škinu
potres trese Grobnišćinu

Kad se spuste Dondolaši
prema Riki uz Ričinu
pomest će po Fijumeri
i po Korzu su prašinu

Kad obajdu Dondolaši
se i jednu oštariju
strašit će po Grobnišćini
i po Riki mulariju

Kad zazvone Grobničani
se se trese od žestine
odvavik su Dondolaši
ponos naše Grobnišćine

Rojeni san Grobničan